தக்காளி சிக்கன் கிரேவி
இட்லி , தோசை, ஆப்பம், சப்பாத்திக்கு தொட்டு சாப்பிடக்கூடிய ருசியான தக்காளி சிக்கன் கிரேவி சுலபமாக எப்படி செய்வது என்பதை பார்க்கலாம்.
- சிக்கன் – ½ கிலோ
- வெங்காயம் – 3
- தக்காளி – 4
- மிளகாய்த் தூள் – 1 ஸ்பூன்
- மிளகு தூள் – ½ ஸ்பூன்
- சீரகம் – ½ ஸ்பூன்
- பூண்டு – 10 பல்
- உப்பு – தேவையான அளவு
- எண்ணெய் – தேவையான அளவு
செய்முறை
- சிக்கனை நன்றாக சுத்தம் செய்து வைத்துக் கொள்ளவும்.
- சீரகம், மிளகு, மிளகாய்த்தூள், பூண்டு, தக்காளி ஆகியவற்றை மிக்ஸியில் போட்டு நைசாக பேஸ்ட் போல அரைத்து வைத்துக் கொள்ளவும்.
- ஒரு வாணலியில் எண்ணெய் ஊற்றிக் கொள்ளவும்.
- எண்ணெய் சூடானதும் வெங்காயம் சேர்த்து பொன்னிறமாக வதக்கவும்.
- வெங்காயம் வதங்கியவுடன் சுத்தம் செய்து வைத்துள்ள சிக்கனை போட்டு 2 நிமிடத்திற்கு வதக்கிக் கொள்ளவும்.
- சிக்கன் ஓரளவிற்கு வதங்கிய பின் அரைத்து வைத்துள்ள தக்காளி விழுதை சேர்த்து பச்சை வாசனை போகும் வரை வதக்கிக் கொள்ளவும்.
- தேவையான அளவு உப்பு மற்றும் தண்ணீர் சேர்த்து அடுப்பை மிதமான தீயில் வைத்து வேக விடவும்.
- சிக்கன் வெந்து கிரேவி பதத்திற்கு வந்ததும் சிறிதளவு கொத்தமல்லி தழை தூவி பரிமாறினால் சுவையான தக்காளி சிக்கன் கிரேவி தாயார்.
